६ महिनामा माइक्रो लाइफ इस्योरेन्स कम्पनीले गरे २ करोड माथीको व्यवसाय

काठमाडौं । चालु आर्थिक बर्षको ६ महिनामा माइक्रो लाइफ इस्योरेन्स कम्पनीहरुले २ करोड ५२ लाख रुपैयाँ बीमाशुल्क आर्जन गरेका छन् ।

नेपाल बीमा प्राधिकरणले सार्वजनिक गरेको तथ्याङक अनुसार संचालनमा आएका तीन माइक्रो लाइफ इस्योरेन्स कम्पनीले १४ हजार ४१ वटा बीमा लेखबाट २ करोड ५२ लाख रुपैयाँ कुल बीमा शुल्क संकलन गरेका हुन ।

प्राधिकरणको तथ्याङक अनुसार यस अवधिमा क्रेष्ट माइक्रो लाइफ इन्स्योरेन्स ८ हजार ५३२ वटा बीमा पोलिसी विक्री गरी १ करोड ९७ लाख कुल बीमा शुल्क आर्जन गर्न सफल भएको छ ।

त्यस्तै गार्डियन माइक्रो लाइफले पुस महिनासम्मा ४ हजार ६५८ वटा बीमा पोलिसी विक्री गरी ६६ लाख ३५ हजार रुपैयाँ कुल बीमा शुल्क आर्जन गरेको छ भने लिवर्टी माइक्रो लाइफ इन्स्योरेन्स कम्पनीले पुस महिनासम्ममा ८५१ वटा बीमा पोलिसी विक्री गरी २८ लाख २६ हजार रुपैयाँ कुल बीमा शुल्क आर्जन गरेको छ ।

साथै पुस महिनामा मात्रै ५ हजार ९७२ बीमालेखबाट १ करोड ४३ लाख रुपैयाँ बीमा शुल्क आर्जन गरेका छन् ।