एनआईसी एशिया बैंकको ४ लाख कित्ता संस्थापक सेयर बिक्रिमा

काठमाडौं- एनआईसी एशिया बैंकले ४ लाख कित्ता संस्थापक सेयर लिलामी प्रक्रिया मार्फत बिक्रीमा ल्याएको छ ।

कम्पनीले प्रतिकित्ता सेयरको न्यूनतम भाउ ३७५ रुपैयाँ तोकेको छ । प्रतिकित्ता ३७५ रुपैयाँलाई आधार मानेर सो भन्दा बढी मूल्य कबोल गरी आवेदन पेश गर्न सकिनेछ ।

यसमा विद्यमान संस्थापक सेयरधनी वा इच्छुक योग्य व्यक्तिले साउन ९ गते देखि १८ गते गतेसम्म आवेदन दिन सक्नेछन् । आवेदनकर्ताले न्यूनतम १ हजार कित्ता खरिदका लागि आवेदन दिनसक्नेछन् भने अधिकतममा १० ले भाग जाने संख्यामा वा सबै कित्ताका लागि आवेदन दिन सकिनेछ ।

लगानीकर्ताले एनआईएमबी एस क्यापिटल लिमिटेड, लाजिम्पाट, काठमाडौंमा पुग्नेगरी गोप्य शिलबन्दी आवेदन बुझाउनुपर्नेछ ।