५ महिना २३ प्रतिशतले बढ्यो रेमिट्यान्स

काठमाडौं-चालु आर्थिक वर्ष २०७९/८० को ५ महिनामा नेपालमा विभिन्न देशबाट ४ खर्ब ८० अर्ब ५० रुपैयाँभन्दा बढी रेमिट्यान्स भित्रिएको छ ।

नेपाल राष्ट्र बैंकले आज जारी गरेको तथ्याङ्क अनुसार २०७९ साउनदेखि मंसिर मसान्तसम्म नेपालम कुल ४ खर्ब ८० अर्ब ५० करोड रुपैयाँ रेमिट्यान्स भित्रिएको छ ।
अघिल्लो आर्थिक वर्षको सोही अवधिको तुलनामा यसवर्ष नेपाल भित्रने रेमिट्यान्स २३ प्रतिशतले वृद्धि भएको राष्ट्रबैंकले जनाएको छ ।

अघिल्लो वर्षको सोही अवधिमा नेपाल भित्रने रेमिट्यान्स ६.३ प्रतिशतले घटेको थियो ।

पछिल्लो ५ महिनामा अमेरिकी डलरमा रेमिट्यान्स १३.१ प्रतिशतले वृद्धि भई ३ अर्ब ७१ करोड डलर पुगेको छ । अघिल्लो वर्ष यस्तो रेमिट्यान्स ६.८ प्रतिशतले घटेको थियो ।

यो अवधिमा खुद ट्रान्सफर २१.६ प्रतिशतले वृद्धि भई ५ खर्ब ३० अर्ब ६ करोड पुगेको छ । अघिल्लो वर्षको सोही अवधिमा यस्तो ट्रान्सफर ५.३ प्रतिशतले घटेको थियो ।
—