शुभम पावरले आईपीओ बिक्री खुला गर्ने

काठमाडौं । शुभम पावरले वैदेशिक रोजगारीमा रहेका नेपालीका लागि आगामी पुस ६ देखि आईपीओ बिक्री खुला गर्ने भएको छ ।

कम्पनील प्रतिकित्ता रु १०० अंकित दरमा ५८ हजार ५८ कित्ता बराबरको आइपिओको ल्याउने भएको हो ।

कम्पनीले जारी पुँजी २० करोडको २० प्रतिशत हुन आउने २ करोड रुपैया र यसअघि स्थानीयलाई निष्काशन गरी बिक्री नभएको १ करोड ८० लाख ५८ हजार रुपैयाँ गरी कूल ५ करोड ८० लाख ५८ हजार रुपैयाँको १० प्रतिशतले हुने ५८ लाख ५ हजार ८ सय रुपैयाँ बराबरको शेयर वैदेशिक रोजगारीमा रहेका नेपालीका लागि निष्कासन गर्नेछ ।

उक्त आईपीओमा वैदेशिक रोजगारीमा रहेका नेपालीले आमामी पुस २० सम्म अधिकतम ५ हजार कित्तासम्म शेयर खरिदका लागि आवेदन दिन सक्नेछन् ।

यो आईपीओको बिक्री प्रबन्धक मुक्तिनाथ क्यापिटल लिमिटेड छ भने कम्पनीलाई केयर रेटिङ्गस् नेपालले ‘केयर एनपी बिबी प्लस आइएस’ प्रमाणपत्र प्रदान गरेको छ ।