आइतवार थप तीन जनामा हैजा पुष्टी भएसँगै अहिले सम्म काठमाडौं उपत्यकामा १२ जनामा हैजा भएको छ ।
इपिडिमियोलोजी तथा रोग नियन्त्रण महाशाखाका अनुसार आइतवार भर्ना भएका विरामी नैकाप र पाटन क्षेत्रका रहेका छन् । यसअघि बागबजार, डिल्लीबजार, कपन, सानेपा, बालाजु, बल्खु र थानकोटका मानिसमा हैजा पुष्टि भइसकेको छ ।
आइतवार पुष्टी भएका ३ जना मध्ये २ जनाको पाटन स्वास्थ्य विज्ञान प्रतिष्ठानको अस्पतालमा र १ जना सानेपा स्थित स्टार अस्पतालमा उपचाररत रहेका छन् ।
शनिवार सम्म ९ जना विरामी हैजाका कारणा उपचारको लागि अस्पतालमा भर्ना भएका थिए
अस्पताल स्रोत अनुसार हैजाको जिवाणु प्रमाणित भएका १२ जना मध्ये ५ जना निको भएर घर गइसकेका छन् । ७ जनाको विभिन्न अस्पतालमा उपचार भइरहेको छ ।
