आजदेखि काठमाडौं उपत्यकामा बढ्यो सार्वजनिक बसको भाडा

काठमाडौं । बागमती प्रदेशले काठमाडौं उपत्यकासहित प्रदेशको सार्वजनिक सवारी साधन र ट्याक्सीको भाडा बढेको छ ।

भाडा दर समायोजनपछि पाँचदेखि २० किलोमिटरसम्मको भाडादर २ देखि ३ रुपैयाँसम्म बढेको छ ।

अब नयाँ भाडादर अनुसार पाँच किलोमिटरसम्म २० रुपैयाँ, १० किलोमिटरको २५ रुपैयाँ, १५ किलोमिटरको ३० रुपैयाँ, २० किलोमिटरसम्मको ३३ र २० भन्दा माथि ३८ रुपैयाँ तिर्नुपर्ने छ ।

साथै ट्याक्सीको प्रति २०० मिटरको भाडा १० रुपैयाँ बनाइएको छ । प्रतीक्षा शुल्क प्रतिमिनेट १।२० रुपैया तोकिएको छ भने बढीमा ३० मिनेटसम्म मात्रै प्रतीक्षा गर्न पाइने छ ।