सरकारको ऐतिहासिक निर्णय रात्रिकालीन व्यवसायलाई २४ घण्टा सञ्चालन गर्न अनुमति

काठमाडौं । सरकारले रात्रिकालीन व्यवसाय अब २४ घण्टा सञ्चालन गर्न अनुमति दिएको छ । रात्रिकालीन व्यापार व्यवसायमा कुनै समय सिमा नरहने भएको छ ।

तसर्थ होटल, रेस्टुरेन्ट, डान्स(दोहोरी(क्लब, लाउन्ज बार लगायत सबै खाले रात्रिकालीन व्यवसायलाई २४ घण्टा सञ्चालन गर्न दिने निर्णय गरेको छ ।

गृहमन्त्री बालकृष्ण खाँणले रात्रिकालीन व्यवसाय सञ्चालनबारे अध्ययन गरेर मापदण्ड बनाउन मन्त्रालयका शान्ति सुरक्षा महाशाखाका प्रमुख फणिन्द्रमणि पोखरेलको नेतृत्वमा १४ सदस्यीय कार्यदल गठन गरेका थिए ।

मन्त्रालयका एक अधिकारीका अनुसार कार्यदलको सिफारिस अनुसार रात्रिकालीन व्यवसायलाई २४ सै घण्टा सञ्चालन गर्न दिने निर्णय भएको बताए ।