स्वावलम्बन लघुवित्तको कामु सीईओमा गोविन्द चापागाई नियुक्त

स्वावलम्बन लघुवित्त वित्तीय संस्थाको कामु सीईओमा गोविन्द चापागाँई नियुक्त भएका छन् । संस्थाका प्रमुख कार्यकारी अधिकृत (सीईओ) उदय राज खतिवडाले पदबाट राजीनामा दिएका छन् । संस्थाको आइतवार बसेको सञ्चालक समितिको बैठकले उनको राजीनामा सोमवारदेखि लागू हुने गरी स्वीकृत गरेको छ ।

राजीनामा स्वीकृतसँगै अर्को निर्णय नआएसम्मको लागि कायम मुकायम प्रमुख कार्यकारी अधिकृतको पदमा चापागाइलाई नियुक्त गरिएको स्वावलम्बन लघुवित्त वित्तीय संस्थाले जनाएको छ ।