२०८१ वैशाख ६, बिहीबार
Health Aawaj logo
गृहपृष्ठसमाचारमहोत्तरीमा कोरोना खोप अभियान फितलो, ५० प्रतिशतले खोप नै लगाएनन्

महोत्तरीमा कोरोना खोप अभियान फितलो, ५० प्रतिशतले खोप नै लगाएनन्


गौशालाका सुजु सादालाई कोरोना खोप बारे मात्रै होइन कोरोना महामारीका बारेमा समेत जानकारी छैन । साथीहरूले कोरोना बारे कुराकानी गरेको कहिले काही सुने पनि त्यो के हो भनेर उनलाई थाहा नभएको बताए । यो कस्तो रोग हो ? कति प्राणघातक छ ? भन्ने बारे त झन केही नै थाहा छैन ।

कोरोना कै कारण विश्व दुई वर्षदेखि आक्रान्त छ, लाखांै मानिसले ज्यान गुमाए, रोजगारी गुमाए, जीविकोपार्जनको माध्यम शून्य बनेका कारण कयौंले आफ्नो ज्यान समेत गुमाए भन्दा उनी अच्चम मान्छन् । यो बीचमा सादाले पनि समस्याहरू नभोगेको भने होइन । नथापाएरै पनि उनी पटक पटक समस्यामा भने परेका रहेछन् । तर, कोरोना कै कारण समस्या सिर्जना बनेको हो भन्ने उनले हेक्का नभएको बताए । सादालाई कहिलेकाही ज्वरो आयो, रुघाखोकी लाग्यो । हिड्न नसक्दा कयांै दिन सादाले फोहोर बटुल्न पनि सकेनन् । परीक्षण गरेको भए साथीहरूले सुनाए जस्तैं मलाई नि कोरोना देखाउँथ्यो होला कि ? उनले आफैलाई प्रश्न गरे ।

सादालाई रुघाखोकी र ज्वरो आएको केही समयपछि उनको परिवारका सदस्यलाई पनि उस्तै लक्षण देखिन थाल्यो । सादाको परिवारमा मात्र होइन सिंगो मुसहर बस्तीमा ज्वरो फैलियो । तर, सादालाई यि सबै लक्षण र दुखाइमा कुनै वास्ता भएन । बरु उनको एउटै चिन्ता थियो आज खाली बोत्तलहरू कम हुने पो हो कि ।

परिवारप्रतिको जिम्मेवारी र जीविकोपार्जनको बाध्यताले रोगभन्दा पनि भोकसँगको लडाईले सादालाई निरन्तर झकझकाइ रह्यो । जसको कारण न उनले कोभिड–१९ को बिषयका बारेमा थाहा पाए न त कोरोना खोप नै लगाए ।

सरकारले महोत्तरीसहित देशभर कोरोना महामारी रोक्न खोप अभियान सन्चालन गरिरहेको छ । हरेक स्थानीय तहले अहिले वडा वडामा कोरोना खोप लगाइरहेका पनि छन् । तर, सरकारले जुन लक्षप्राप्तिका लागि अभियान चलाएको थियो त्यो पूरा भने हुन भने सकेको छैन । अभियानले सादा जस्ता वर्गलाई छुन सकेको छैन । लक्षित वर्गले अझै खोपको सुविधा लिन सकिरहेका छैनन् । स्थानीय सरकारको ध्यान विपन्न र न्युन आम्दानी हुने समुदायमा नपुग्दा अझै पनि महोत्तरीमा कोरोनाविरुद्धको खोप अभियान प्रभावकारी बन्न नसकेको स्थानीयको भनाइ छ ।

गौशालाको मुसहर बस्ती मात्रै होइन महोत्तरीका हरेकजसो मुसहर बस्तीमा कोरोनाविरुद्ध खोप लगाउने निकै कम रहेको जिल्ला स्वास्थ्य कार्यालयको तथ्यांक छ । एड्रा नेपालको तथ्यांकअनुसार प्रदेश २ मा अहिलेसम्म ३३ प्रतिशतले मात्रै दुबै डोज कोरोनाविरुद्धको खोप लिएका छन् । खोपका कारण शारीरिक प्रतिरक्षा प्रणाली राम्रो भएको विभिन्न अध्ययन, अनुसन्धानले प्रमाणित गरिसकेका छन् । कोरोनाबाट बच्ने हो भने खोपको विकल्प नभएको डब्लुएचओ प्रष्टाइ पनि सकेको छ ।

महोत्तरीसहित आसपासका जिल्लामा धार्मिक मान्यता र चेतनाको अभावले पनि खोप लगाउन नमान्ने गरेको स्वास्थ्य क्षेत्रमा रिर्पोटिङ गर्दै आइरहेका अतुल मिश्रको बिश्लेषण छ । जिल्ला स्वास्थ्य कार्यालय महोत्तरीका अनुसार अहिले खोप सुविधा नलिनेमा मुस्लिम, शैक्षिक रुपमा पिछडिएका र मुसहरहरू धेरै छन् ।

महोत्तरीमा कतिले खोप लगाए ?
जिल्ला स्वास्थ्य कार्यलय महोत्तरीको तथ्यांकअनुसार अहिलेसम्म महोत्तरीमा ५२.६२५ प्रतिशतले मात्रै खोप लगाएका छन् । स्थानीय सरकारले समय समयमा कोरोना खोप अभियान चलाए पनि त्यसको प्रभावकारिता बढ्न नसक्दा अझै आधा जनसंख्या कोरोना खोपवाट बन्चित छन् । अहिलेसम्म दुई लाख ४८ हजार दुई सय नौ जनाले महोत्तरीमा कोरोना खोप लिएका छन् । जसमध्ये पहिलो डोजमात्र लगाउने ३० प्रतिशत, दोश्रो डोज लगाउने २२ प्रतिशत छन् ।

जिल्लाको कुल जनसंख्या मध्ये कोभिसिल्ड पहिलो डोज खोप लिने ३२ हजार ८५ जना, भेरोसेल पहिलो खोप लिने ५० हजार ६ सय ६२ जना छन् । यसैगरी कोभिसिल्ड दोश्रो डोज लिने पाँच हजार दुई सय २७ जना, भेरोसेल दोश्रो खोप लिने पाँच हजार नौ सय ९४ जना छन् ।

जोनसन र एस्ट्रोजेनेका खोप भने सबैले एकपटक मात्र लिएका छन् । जसमध्ये जोनसन ३६ हजार तीन सय ७८ जना, एस्ट्रोजेनेका २३ हजार ६ सय ६२ जनाले लिएको जिल्ला स्वास्थ्य कार्यालय महोत्तरीले जनाएको छ


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ