बीएण्डसी अस्पताल शिक्षण अस्पतालका रुपमा अघि बढने : प्रधानमन्त्री ओली

काठमाडौँ। प्रधानमन्त्री केपी शर्मा ओलीले झापाको बीएण्डसी अस्पताललाई शिक्षण अस्पतालको रुपमा अघि लैजाने बताए छन् ।

बीएण्डसी अस्पताल परिसरमा बनेको पूर्वाञ्चल क्यान्सर अस्पतालको उद्घाटन गर्न मंगलबार झापा पुगेका प्रधानमन्त्री ओलीले सो अस्पताललाई शिक्षण अस्पतालको रुपमा लैजाने प्रक्रिया अगाडी बढाएको जनाएका छन् ।

अस्पतालको उद्घाटन समारोहमा बोल्दै उनले भने, ‘यो अस्पताल अस्पतालको रुपमा मात्रै रहँदैन । यो शिक्षण अस्पतालको रुपमा अघि बढ्छ ।

केहि समय अघि नै यसको प्रक्रिया हामीले अगाडी बढाएका छौँ ।’ सो अस्पताललाई शिक्षण अस्पतालको सम्बन्धन काठमाडौं विश्वविद्यालयबाट दिन लागेको उनले जानकारी गराए ।