घ्याङलेख गाउँपालिकामा टोकन प्रणाली मार्फत सेवा प्रवाह सुरुवात

सिन्धुलीः घ्याङलेख गाउँपालिकाले सेवाग्राहीलाई मध्यनजर राख्दै फाल्गुण ११ गतेबाट टोकन प्रणाली मार्फत सेवा प्रवाहा शुरुवात गरिएको छ ।
यस गाउँपालिकामा आज एक कार्यक्रमका बीच अध्यक्ष जगतबहादुर भोलन प्रमुख प्रशासकीय अधिकृत रामकुमार कार्की र अन्य कर्मचारीहरुको सहभागितामा टोकन प्रणालीबाट सेवा शुभारम्भ गरिको थियो । टोकन प्रणाली पहिलो सेवाग्राही छबिलाल स्याङतानलाई सेवा प्रदान गर्दै टोकन प्रणालीको शुरुवात गरिएको थियो ।
पालिका अध्यक्ष जगतबहादुर भोलन साथै प्रमुख प्रशासकीय अधिकृत कार्कीले टोकन प्रणाली बारे प्रष्ट पार्न मन्तव्य व्यक्त गरेका थिए । यस कार्यक्रममा सेवाग्राही छबिलाल स्याङतानले टोकन प्रणालीबाट आफूले छिटो छरितोसँग सेवा प्राप्त गरेकोमा खुसी व्यक्त गरेका थिए ।