फरवार्ड लघुवित्तले गर्यो लाभांशको घोषणा

काठमाडौं । फरवार्ड माइक्रोफाइन्नास लघुवित्त वित्तीय संस्थाले गत बर्षको मुनाफाबाट आफ्ना शेयरधनीलाई ३० प्रतिशत लाभांश दिने भएको छ ।

लघुवित्तकोे पु्स ४ गते बसेको सञ्चालक समितिको ११३ औं बैठकले गत आर्थिक बर्ष २०७८/७९ को वितरण योग्य मुनाफाबाट हाल कायम चुक्तापुँजी ८४ करोड ४४ लाख ५० हजार ८९७ रुपैयाँको २५ प्रतिशतले हुन आउने २१ करोड ११ लाख १२ हजार ७४६ रुपैयाँ बराबरको बोनस सेयर र ५ प्रतिशतले हुन आउने ४ करोड २२ लाख २२ हजार ५४९ रुपैयाँ बराबरको नगद लाभांश (कर समेत गरी) वितरण गर्ने प्रस्ताव गरेको हो ।

प्रस्तावित लाभांश नेपाल राष्ट्र बैंक र लघुवित्तको आगामी साधारणसभाले स्वीकृत दिएपछि लगानीकर्तालाई लघुवित्तले लाभांश वितरण गर्नेछ ।