काठमाडौं— स्वास्थ्य तथा जनसंख्या मन्त्रालयकाअनुसार हाल सम्म डेंगुबाट २७ जनाले ज्यान गुमाएका छन् ।
त्यस्तै डेंगुबाट २१ हजार ३ सय ५२ जना संक्रमित भएका छन् । तीब्र रुपमा फैलिइरहेको डेंगु संक्रमण ७६ जिल्लामा पुगेको छ ।
डेंगुबाट सबैभन्दा प्रभावित बागमती प्रदेशमा १६ हजार २ सय ३६ जनामा डेंगु संक्रमण भएको छ भने लुम्बिनीमा २ हजार ७ सय ४३ जना डेंगुबाट संक्रमित भइसकेका छन् ।
यस्तै, सुदूरपश्चि प्रदेशमा ७ सय ५८, प्रदेश नं. १ मा ५ सय ८५, गण्डकी प्रदेशमा ४ सय ९६, मधेश प्रदेशमा ३ सय ५ र कणर्ाली प्रदेशमा २ सय २९ जना डेंगु संक्रमण भएको छ ।
इपिडिमियोलोजी तथा रोग नियन्त्रण महाशाखाकाअनुसार अहिले महाशाखाले १ सय ३९ स्थानीय तह, ६० जिल्ला र ७ वटै प्रदेशमा डेंगु नियन्त्रणका लागि ‘खोज र नष्ट गर’ अभियान सञ्चालन गर्नका लागि बजेट बिनियोजन गरेको छ ।
