बालुवाटारमा सर्वदलीय बैठक सुरु

काठमाडौं । प्रधानमन्त्री केपी शर्मा ओलीको आह्वानमा सर्वदलीय बैठक बालुवाटारमा सुरु भएको छ । बैठकमा संघीय संसदमा प्रतिनिधित्व गर्ने राष्ट्रिय दलका प्रतिनिधि सहभागी छन् ।

प्रधानमन्त्रीले पछिल्लो राजनीतिक अवस्थाबारे छलफल गर्न बैठक बोलाएका हुन । म्ृलुक कोभिड—१९ को मार खेपिरहेको छ भने केही समययता राजावादीहरूले देशका विभिन्न ठाउँमा आन्दोलन गरिरहेका छन् ।
सत्तारुढ नेकपा भित्र अध्यक्षद्वय ओली र पुष्पकमल दाहालको फरक-फरक राजनीतिक प्रस्ताव सचिवालयमा नटुंगिएपछि विवाद स्थायी कमिटीमा पुगेको छ । पटक-पटक सचिवालय बैठकमा सहभागी नभएका प्रधानमन्त्री ओलीले आइतबार बसेको स्थायी कमिटी पनि सहभागी भनन् ।

पछिल्लो समय बैशाख ३१ गते सर्वदलीय बैठक बसेको थियो । त्यसयता सर्वदलीय बैठक बसेको छैन् ।