एन आई सी एसीया क्यापिटलको अध्यक्षमा ढकाल

काठमाडौं । एन आईसी एसीया क्यापिटलको सञ्चालक समितिको अध्यक्षमा कपिल ढकाल नियुक्त भएका छन् ।

एन आईसी एसीया बैंकका सहायक प्रमुख कार्याकारी अधिकृत रहेका ढकाललाई क्यापिटलको शुक्रबार बसेको सञ्चालक समितिको ९२ औँ बैठकले क्यापिटलको अध्यक्षमा नियुक्त गर्ने निणर्य गरेको हो ।

व्यावसायिक चार्टर्ड अकाउण्टेण्ट रहेका ढकालसँग १२ बर्ष भन्दा बढी बैकिङ्ग अनुभव रहेको छ । उनले भारतको आईसीआईसी बैंक, नेपालको हाम्रो विकास बैंकमा प्रमुख कार्यकारी अधिकृतको रूपमा काम गरेको अनुभव रहेको । ‘हाल उनी एनआईसी एसिया लघुवित्तको अध्यक्ष समेत रहेका छन् ।

 ‘उहाँले हासिल गरेको लामो कार्यअनुभव तथा उच्च व्यवस्थापकीय क्षमताले आगामी दिनमा क्यापिटलको समग्र व्यवसाय विस्तार र क्यापिटलबाट प्रदान गरिने सेवालाई उत्कृष्ट बनाई क्यापिटलले नयाँ उचाई चुम्ने विश्वास लिएका छौं,’ क्यापिटलद्वारा जारी विज्ञप्तिमा उल्लेख छ ।