काठमाडौं । दोल्ती पावर कम्पनी र भुगोल इनर्जी डेभल्पमेन्टको सेयर बिहीबारबाट धितोपत्र दोस्रो बजारमा कारोबारमा आउने भएको छ ।
यी दुई कम्पनीको आईपीओ बुधबार नेपाल स्टक एक्सचेन्ज (नेप्से)मा सूचीकृत भएको छ । कुनै पनि कम्पनीको आईपीओ नेप्सेमा सूचीकृत भएको दोस्रो दिनबाट कारोबारमा आउने गरेको छ
नेप्सेमा दोल्ती पावर कम्पनीको कुल ५३ लाख ६४ हजार ८६० कित्ता सेयर सूचीकृत भएको छ । जसमा संस्थापक समूहको ३७ लाख ५५ हजार ४०२ कित्ता, सर्वसाधारणको (वैदेशिक रोजगारी रहेका नेपाली, स्थानीय वासिन्दा,कर्मचारी र सामुसहिक लगानी कोष समेत) १६ लाख ९ हजार ४५८ कित्ता रहेको छ ।
नेप्सेले यो कम्पनीलाइई डोओएलटीआई कारोबार संकेत प्रदान गरेको छ ।
पहिलो कारोबारका लागि प्रतिकित्ता न्यूनतम ८७ रुपैयाँ र अधिकतममा २६१ रुपैयाँ ओपनिङ रेन्ज तोकेको छ ।
त्यस्तै, भुगोल इनर्जी डेभल्पमेन्ट कम्पनीको कुल ५४ लाख ४० हजार ५३४ कित्ता सेयर सूचीकृत भएको छ । जसमा संस्थापक समूहको ३८ लाख ८ हजार ३७४ कित्ता, सर्वसाधारणको (वैदेशिक रोजगारी रहेका नेपाली, स्थानीय वासिन्दा,कर्मचारी र सामुसहिक लगानी कोष समेत) १६ लाख ३२ हजार १६० कित्ता रहेको छ ।
नेप्सेले यो कम्पनीलाइई बीईडीसी कारोबार संकेत प्रदान गरेको छ ।
पहिलो कारोबारका लागि प्रतिकित्ता न्यूनतम ६७.६३ रुपैयाँ र अधिकतममा २०२.८९ रुपैयाँ ओपनिङ रेन्ज तोकेको छ ।
यदि बिहीबार स्पेसल प्रि-ओपन सेसनमा यी दुई कम्पनीको सेयर नेप्सेले तोकेको रेन्जभित्र किनबेच भएमा नियमित समयका लागि कारोबारमा आउनेछ ।
