आइजीआई प्रुडेन्सियल इन्स्योरेन्सको सीईओमा युगेशभक्त बादे श्रेष्ठ नियुक्त

काठमाडौं । आइजीआई प्रुडेन्सियल इन्स्योरेन्सको प्रमुख कार्यकारी अधिकृत युगेशभक्त बादे श्रेष्ठ नियुक्त हुनु भएका छन् ।

नव नियुक्त प्रमुख कार्यकारी अधिकृत श्रेष्ठले जेठ ९ गते कम्पनीका अध्यक्ष हेमराज ढकालबाट शपथ ग्रहण गरेका थिए । उक्त अवसरमा कम्पनीको संचालक समिति तथा व्यवस्थापनबाट श्रेष्ठलाई सफल कार्यकालको शुभकामना व्यक्त गरिएको थियो ।

कम्पनीको संचालक समितिको वैशाख २७ गतेको बैठकले श्रेष्ठको नियुक्तिको लागि नेपाल बीमा प्राधिकरणमा सिफारिस गरेको थियो । प्राधिकरणले जेठ २ गते श्रेष्ठको नियुक्तिका स्वीकृति दिएको थियो ।