ज्योति र सूर्य लाईफको एकीकृत कारोबार पौष ७ गतेबाट

काठमाडौं – ज्योति लाईफ र सूर्य लाइफ इन्योरेन्सले पौष ७ गतेबाट एकीकृत कारोबार सुरु गर्दैछन् ।

सूर्यज्योति लाइफ इन्स्योरेन्स कम्पनीको नामबाट एकीकृत कारोबार हुने भएको हो । दुई बीमा कम्पनीको कात्तिक २८ गते सम्पन्न वार्षिक साधारणसभाले मर्जर प्रस्ताव पारित गरेको थियो ।

नेपाल बीमा प्रधिकरण, नेपाल धितोपत्र बोर्ड र कम्पनी रजिष्ट्रार कायलयले यी दुई बीमा कम्पनीको मर्जरको लागि मंसिर २८ गते अन्तिम स्वीकृति दिएको थियो ।

सूर्या लाईफ र ज्योति लाइफबीच १ बराबर ०.८२४५ को अनुपातको स्वाप रेसियो मर्जर हुने प्रस्ताव समेत पारित भइसकेको हो । मर्जर पछि बीमा कम्पनीको प्रमुख कार्यकारी अधिकृतमा भने ज्योतिका वर्तमान सिइओ प्रकाश विक्रम खत्री हुनेछन् ।