ह्वात्तै बढ्यो सुनको भाउ

 काठमाडौं .- सुनको भाउ ह्वात्तै बढेको छ। बुधबार सुनको मूल्य १३ सय रुपैयाँले बढेको सुनचाँदी व्यवसायी महासंघले जनाएको हो।

मंगलबार तोलामा ३ सय रुपैयाँले घटेर ९० हजार ७ सय रुपैयाँमा झरेको सुनको मूल्य बुधबार फेरि १३ सय रुपैयाँले बढेर तोलाको ९२ हजार रुपैयाँ पुगेको छ । भने, बुधबार तेजाबी सुनको मूल्य ९१ हजार ५०० रुपैयाँमा कारोबार भैरहेको छ।

त्यस्तै, आज चाँदीको मुल्य पनि बढेको छ। तोलामा १० रुपैयाँले बढेर चाँदी बुधबार तोलाको १३ सय १० रुपैयाँ पुगेको छ ।