बढ्यो पेट्रोलियम पदार्थको मूल्य

काठमाडौ । नेपाल आयल निगमले पेट्रोल,डिजल र मट्टितेलको मूल्य बढाएको छ । ।

आज राति १२ बजे देखि लागु हुने गरि पेट्रोलियमको पदार्थको मूल्य बढाएको छ । निगमले पेट्रोलमा प्रतिलिटर ५ रुपैयाँ र डिजेल/ मट्टितेल प्रतिलिटर १४ रुपैयाँका दरले मूल्य बढाएको छ ।

निगमले मूल्य बढाएसँगै अब पेट्रोलको मूल्य पहिलो वर्गमा प्रतिलिटर १७५.५० रुपैयाँ,दोस्रो वर्गमा प्रतिलिटर १७७ रुपैयाँ र तेस्रो वर्गमा प्रतिलिटर १७८ रुपैयाँ कायम भएको छ ।  डिजेल/ मट्टितेलको मूल्य पहिलो वर्गमा प्रतिलिटर १६४.५० रुपैयाँ दोस्रो वर्गमा प्रतिलिटर १६६ रुपैयाँ र तेस्रो वर्गमा प्रतिलिटर १६७ रुपैयाँ कायम भएको छ ।

त्यस्तै, खाना पकाउने एलपी ग्यासको मूल्य भने यर्थावत छ ।