साउन महिनामा नारीहरूलाई आइएमई पेले ल्यायो “ प्रिटी उत्सव” अफर

काठमाडौं । साउन महिनामा नारीहरूलाई लक्षित गर्दै आइएमई पेले “ प्रिटी उत्सव” नामक अफर सार्वजनिक गरेको छ ।

प्रिटी उत्सव अफर यही साउन महिनाको दोस्रो सोमबार अर्थात् साउन ८ देखि ३२ गतेसम्म चल्ने छ।

यस अफरमा जित्नु हुने प्रत्येक विजेतालाई प्रिटी क्लिकको ५ हजार रूपैयाँको भौचर प्रदान गरिने छ। यो अफरमा भाग लिन सेवाग्राहीले अफर अन्तराल भरी कम्तीमा एक पटक आइएमई पेमार्फत क्यु आर स्क्यान गरी भुक्तानी गर्नुपर्ने छ ।

अफर अन्तराल भरी प्रत्येक ५ दिनपश्चात् गोला प्रथामार्फत २ जना विजेता छनौट गरिने छ । विजेताहरूको नाम सामाजिक सञ्जालमार्फत घोषित गरिने छ ।

सेवाग्राहीले जुनसुकै क्यु आरमार्फत भुक्तानी गर्न सक्ने छन् । विजेताहरूले प्रिटी क्लिकमा गएर सो भाउचरको प्रयोग गर्न सक्ने छन् । प्रिटी उत्सव अफर आइएमई पेको महिला सेवाग्राहीहरूका लागी मात्र मान्य रहेको छ ।