घट्यो सुनचाँदीको भाउ

काठमाडौं । आज सुनको भाउ तोलामा ३०० रुपैयाँले घटेको छ ।

नेपाल सुनचाँदी व्यवसायी महासंघका अनुसार आज छापावल सुन तोलामा १ लाख १२ हजार ६०० रुपैयाँ र तेजावी सुन तोलामा १ लाख १२ हजार ५० रुपैयाँमा कारोबार भइरहेको छ ।

आइतबार छापावल सुन तोलामा १ लाख १२ हजार ९०० रुपैयाँ र तेजावी सुन तोलामा १ लाख १२ हजार ३५० रुपैयाँ कायम भएको थियो ।

त्यस्तै, आज चाँदीको मूल्य तोलामा ५ रुपैयाँले घटेर १ हजार ४५० रुपैयाँमा कारोबार भइरहेको छ । आइतबार चाँदीको मूल्य तोलामा १ हजार ४५५ रुपैयाँ कायम भएको थियो ।