६ अर्ब २३ करोडको ट्रेजरी बिलको नविकरण गर्दै राष्ट्र बैंक,आज दिउँसो बोलकबोल

काठमाडौं – नेपाल राष्ट्र बैंकले ६ अर्ब २३ करोडको ट्रेजरी बिलको नविकरण गर्ने भएको छ ।

राष्ट्र बैंकले ९१ दिन र ३६४ दिनको लागि ट्रेजरी बिलको नविकरण गर्न लागेको हो । मंगलबार जारी हुने यस ट्रेजरी बिलका लागि आज दिउँसो ३ बजे बोलकबोल हुनेछ ।

केन्द्रीय बैंकले ९१ दिनको लागि ४ अर्ब २३ करोड रुपैयाँ र ३६४ दिनको लागि २ अर्ब रुपैयाँको टे्रजरीको नविकरण गर्न लागेको हो ।  ९१ दिनको ट्रेजरी आउदो मंसिर ५ गते परिपक्व हुनेछ भने ३६४ दिनको ट्रेजरी २०८१ भदौ ४ गते परिपक्व हुनेछ ।

ट्रेजरी बिल १ वा १ वर्षभन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र हो । सरकारलाई आवश्यक पर्ने अल्पकालीन अवधिको (बढीमा एक वर्ष) स्रोत जुटाउन यो बिल बिक्री गरिन्छ ।