प्रभु बैंकको संस्थापक सेयर बिक्रिमा

काठमाडौं- प्रभु बैंक संस्थापक सेयर बिक्रीमा ल्याएको छ ।

बैंकका संस्थापक सेयरधनी बिनोद थकालीले आफ्नो नाममा रहेको १ लाख ५२ हजार ८०५ कित्ता सेयर बिक्रि गर्ने निवेदन दिएकाले बैकले आज असोज २३ गतेदेखि संस्थापक सेयर बिक्रीमा ल्याएको हो ।

सेयर खरिद गर्न इच्छुक विद्यमान संस्थापकले सुचना प्रकाशित भएको मितिबाट ३५ दिनभित्र काठमाडौंको बबरमहलस्थित केन्द्रिय कार्यालयमा सेयर खरिदका लागि निवेदन पेस गर्नुपर्नेछ ।

तोकिएको समयमा संस्थापक सेयरधनीबाट सेयर खरीद गर्न निवेदन नआएमा प्रचलित कानुनबमोजिम अन्य लगानीकर्तालाई सेयर बिक्री गर्ने बैंकले जनाएको छ ।