श्रीलंकाका राष्ट्रपति राजापाक्षे देश छोडेर भागे

काठमाडौँ । श्रीलंकाका राष्ट्रपति गोटाबाया राजापाक्षे मंगलबार राती देश छोडेर भागेका छन् । मुलकु आर्थिक संकटमा परेपछि राजापाक्षे परिवारकोविरुद्ध सर्वसाधारण सडकमा उत्रेका थिए । गत साता राष्ट्रपतिको कार्यालय र निवास समेत सर्वसाधारणले कब्जामा लिएका  थिए ।

विभिन्न अन्तर्राष्ट्रिय संचार माध्यमहरुकाअनुसार राजापाक्षे सैनिक विमान चढेर मालदिभ्सको राजधानी माले भागेका हुन । श्रीलंकामा वर्षौंदेखि चल्दै आएको राजापाक्षे परिवारको शासन अन्त्य भएका छन ।

राजापाक्षेका भाई बसिल राजापाक्षे जो पूर्वअर्थमन्त्री समेत  थिए। उनी पनि मुलुक छाडेर अमेरिका पुगेको स्रोतलाई उदृृत गर्दै अन्तराष्ट्रिय संचार माध्यमहरुले जनाएका छन् ।

श्रीलंकाको राजधानीमा कोलम्बोमा प्रदर्शनमा उत्रेका सर्वसाधारणले खुसीयाली मनाइरहेका छन् ।

पदबाट राजीनामा दिन तयार भएपनि अब नयाँ राजनीतिक समीकरण अन्तर्गत बन्ने शासन संरचनाले आफूलाई पक्राउ र कारबाही गर्ने संभावना बढेपछि राजापाक्षे देश छोडेर भागेका हुन् ।