नेप्सेमा दुई हाईड्रोपावर कम्पनीको सेयर मूल्य समायोजन

काठमाडौं । नेपाल स्टक एक्सचेन्ज(नेप्से)मा २ वटा हाईड्रोपावर कम्पनीको सेयरमूल्य समायोजन भएको छ ।

नेप्सेमा संगटी हाईड्रो इनर्जीको १०० प्रतिशत हकप्रद सेयर र मन्दाकिनी हाईड्रोपावरको ४.७५ प्रतिशत बोनस सेयरको सेयरमूल्य समायोजन भएको हो ।

समायोजन पछि नेप्सेमा संगटी हाईड्रो इनर्जीको २०२.९० रुपैयाँ र मन्दाकिनी हाईड्रोपावरको ४०९.३६ रुपैयाँ सेयरमूल्य कायम भएको छ ।

नेप्सेले अघिल्लो कारोबार दिनको अन्तिम मूल्यका आधारमा यी कम्पनीको सेयर मूल्य समायोजन गरेको हो ।

समायोजन अघि संगटी हाईड्रो इनर्जीको ३०५.८० रुपैयाँ र मन्दाकिनी हाईड्रोपावरको ४२८.८० रुपैयाँ सेयरमूल्य कायम भएको थियो ।