तीन वटा नयाँ ब्रोकर कम्पनीले पाए लाइसेन्स

काठमाडौ । नेपाल धितोपत्रबोर्डबाट ३ वटा नयाँ बो्रकर कम्पनीले धितोपत्र दलाल सम्बन्धी कार्यका लागि अनुमति पाएका छन् ।

बोर्डले धितोपत्र व्यवसायी (धितोपत्र दलाल तथा धितोेपत्र व्यापारी) नियावली,२०६४को व्यवस्था बमोजिम ३ वटा नयाँ ब्रोकर कम्पनीलाई सिमित कार्य गर्ने धितोपत्र दलालको अनुमति दिएको हो ।

नयाँ ३ वटा ब्रोकर कम्पनीले धितोपत्र दलाल सम्बन्धी पूर्वाधार तयार गरी अनुमतिका लागि बोर्डमा निवेदन दिएका थिए ।

बोर्डबाट धितोपत्र दलाल सम्बन्धी कार्य गर्ने पाउने कम्पनीहरुमा जे.बि.एन.एल सेक्युरिटिज, आर बी.बी सेक्युरिटिज र सि.वि.आई.एल सेक्युरिटिजले अनुमति पाएका छन् ।

बोर्डले ३ वटैलाई सिमित कार्य गर्ने धितोपत्र दलालको लाइसेन्स दिएको छ । यस अघि बोर्डले २९ वटा कम्पनीलाई ब्रोकरको लाइसेन्स दिइसकेको छ ।