अर्थ मन्त्रालयले भन्यो : ५ प्रतिशत र ७.५ प्रतिशत पुँजीगत लाभकर अन्तिम कर

काठमाडौं । अर्थ मन्त्रालयले ५ प्रतिशत र ७.५ प्रतिशत पुँजीगत लाभकर अन्तिम कर हुने स्पष्ट पारेको छ ।

अर्थ मन्त्रालयमा रुष्ट लगानीकर्ता र सरकारबीच भएको छलफल पछि मन्त्रालयले  एक सुचना जारी गदै ५ प्रतिशत र ७.५ प्रतिशत पुँजीगत लाभकर अन्तिम कर हुने स्पष्ट पारेको हो ।

मन्त्रालयको सुचनमा   आर्थिक विधेयक, २०८० को दफा २९ का सन्दर्भमा प्राकृतिक व्यक्तिले लगानी गरेको सूचीकृत धितोपत्रहरु बिक्री गर्दा हुने लाभमा साबिकबमोजिमकै कानुनी व्यवस्था कायम रहेको छ। त्यस्तो कारोबारबाट भएको लाभमा नियमानुसार दाखिला भएको ५ प्रतिशत र ७.५ प्रतिशत पुँजीगत लाभकर अन्तिम कर हुने व्यहोरा सम्बन्धित लगानीकर्ता एवं सर्वसाधारणको जानकारी लागि यो सूचना जारी गरिएको छ