राजनीतिक घटनाक्रमको शिकार सेयर बजार

काठमाडौं । साताको पहिलो दिन कारोबारमा नेप्से परिसूचक ४.७७ प्रतिशतले घटेको छ । प्रधानमन्त्री केपी शर्मा ओलीले संसद विघटन गरे पछि देशको राजनीतिक अस्थिरताको शिकार सेयर बजार बनेको छ । आइतबार सेयर बजार परिसूचक ९६.८८ अंकले घटेर १ हजार ९ सय ३५ दशमलव ६३ विन्दुमा पुगेको छ ।

यस अवधिमा १ सय ९८ वटा कम्पनीको ७९ हजार ९सय ६७ पटकको कारोबारमा १ करोड ४५ लाख ९ हजार ५ सय ३३ कित्ता शेयर कारोबार भएको छ । ९ अर्ब ४७ करोड ९ लाख २७ हजार ५ सय ४७ रुपैयाँ बराबरको खरीदबिक्री भएको छ ।