२०८० फागुन ९, बुधबार
Health Aawaj logo
गृहपृष्ठखेलकुदए डिभिजन लिग : संकटा र शेर्पा तथा थ्री स्टार र च्यासल भिड्दै

ए डिभिजन लिग : संकटा र शेर्पा तथा थ्री स्टार र च्यासल भिड्दै


काठमाडौं – सहिद स्मारक ‘ए’ डिभिजन लिग अन्तर्गत शनिबार दुई खेल हुँदैछ ।  दिउँसो १ बजे सुरु हुने पहिलो खेलमा  संकटा क्लब र हिमालयन शेर्पा क्लब आमनेसामने हुनेछन् ।

शेर्पा विश्वास श्रेष्ठको कप्तानीमा हुनेछ भने संकटा रवी सिलवालको कप्तानीमा मैदान उत्रनेछ ।  दुबै टोली पहिलो खेलमा सुखद सुरुआत गर्ने  दाउमा हुनेछन् ।  दुबै टोलीले चार विदेशी खेलाडी मैदानमा उतार्ने छन् ।

दोस्रो खेलमा थ्री स्टार क्लब र च्यासल युथ क्लबबीच प्रतिस्पर्धा हुनेछ । खेल साँझ पौने ५ बजे सुरु हुनेछ ।

थ्री स्टारका प्रशिक्षक उज्जन श्रेष्ठले लक्ष्य लिग च्याम्पियन हुने भएकाले पहिलो खेलबाटै आक्रमक फुटबल खेल्ने बताएका छन् । थ्री स्टारका विक्रम लामाको कप्तानीमा मैदान उत्रदा च्यासल विराज महर्जनको कप्तानीमा मैदान प्रवेश गर्नेछ । च्यासलका प्रशिक्षक बालगोपाल साहुखलले टोली सन्तुलित बनेकाले लिगमा उत्कृष्ट नतिजा ल्याउने बताए ।

शुक्रबार भएको  उद्घाटन खेलमा नवप्रवेशी सातदोबाटो युथ क्लबले फ्रेण्ड्ससँग गोलरहित बराबरी खेल्दै अंक बाँडेको थियो ।


क्याटेगोरी : खेलकुद



तपाईको प्रतिक्रिया दिनुहोस


ट्रेण्डिङ