नेकपा माओवादी केन्द्रका अध्यक्ष प्रचण्ड भोलि भारत जाने

काठमाडौं । नेकपा माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहाल प्रचण्ड भोलि भारत भ्रमणमा जाने भएका छन्।

माओवादी केन्द्रका अनुसार भारतको एक राजनीतिक कार्यक्रममा भोलि त्यसतर्फ जान लागेको हो । प्रचण्डको भ्रमण आकस्मिक नभएको जनाएको छ ।

चिनियाँ कम्युनिष्ट पार्टीका विदेश विभाग प्रमुख लिउ जियानचाओको नेपाल भ्रमण लगत्तै अध्यक्ष प्रचण्डको भारत भ्रमण हुन लागेको हो । यसलाई वाम एकताका लागि यो भ्रमण महत्वका साथ हेरिएको छ ।

भारतका कतिपय राजनीतिक व्यक्ति एवं गुप्तचर निकायका उच्च व्यक्तिहरुसँग भेटवार्ता गर्ने स्रोतको दाबी छ। यद्यपी व्यक्तिगत भ्रमण भनिए पनि भारतमा गर्ने भेटघाटलाई गोप्य साथ राखिएको छ।

केही दिन अघि नेपालका लागि भारतीय नवनियुक्त राजदूत नवीन श्रीवास्तवले प्रचण्डलाई खुमलटारमा दुई पटक भेट गरेका थिए ।