बैंक अफ काठमाण्डू र ग्लोबल आईएमई बैंक एक आपसमा मर्ज, शेयर कारोबार रोक्का

ग्लोबल आइएमई बैंक लिमिटेड र बैंक अफ काठमाण्डू लिमिटेड एक आपसमा मर्ज हुने भएका छन्। एक कार्यक्रममा यी दुई बैंक बीच प्रारम्भिक सम्झदारीपत्रमा हस्ताक्षर गरेका छन्।

यी दुई बैंक बीच सोमबार समझदारी पत्रमा हस्ताक्षर भएको हो। यससँगै यी बैंकहरुको शेयर कारोबार रोक्का गरिएको छ।

ग्लोबल आइएमइ बीओके बैंक रहनेगरी सहमति भएको छ भने मर्जरपश्चात प्रमुख कार्यकारीमा ग्लोबलका रत्नराज बज्राचार्यले निरन्तरता पाउने छन्।

हाल ग्लोबल आइएमई बैंकको चुक्ता पूँजी २३ अर्ब ७९ करोड ५७ लाख ५३ हजार रुपैयाँ छ भने यस्तै बैंक हफ काठमाण्डौको १० अर्ब ६३ करोड ३९ लाख ९४ हजार रुपैयाँ छ।