विद्यार्थीमाथि यौन दुर्व्यवहारका आरोपी पक्राउ गर्न जादा प्रहरी टोलीमाथि आक्रमण

विराटनगर । विद्यार्थीमाथि यौन दुर्व्यवहारका आरोपी पक्राउ गर्न जादा प्रहरी टोलीमाथि आक्रमण भएको छ ।

शिक्षा विकास माध्यमिक विद्यालय लेटाङ नगरपालिका– ५ का शिक्षक मनोज पौडेललाई पक्राउ गर्न जाँदा प्रहरी टोलीमाथि आक्रमण भएको हो ।

सो वडाका अध्यक्ष भुमसूर्य मगरका अनुसार शुक्रबार शिक्षक पौडेलले कक्षा ७ मा पढ्ने बालिकामाथि घरमै गएर करणीको प्रयास गरेका थिए । विद्यार्थीले प्रधानाध्यापकलाई उजुरी गरेपछि स्कुल पुगेका वडा अध्यक्षले प्रहरीलाई बोलाएका थिए । तर विद्यार्थी र स्कुलमा जम्मा भएको भीडले शिक्षकलाई लैजान दिएन । दिनभरजसो स्कुल तनावग्रस्त रहयो।

स्रोतका अनुसार दिनभर शिक्षकलाई स्कुलबाट निकाल्न सम्भव भएन, साँझ प्रहरीले लैजाँदै जादैं गर्दा, बाटोमा आक्रमण भयो त्यसमा एक जना महिला प्रहरीको घाटीमा हतियार प्रहार भएको छ, उनको अवस्था गम्भीर रहेको छ । स्थिति नियन्त्रण गर्न थप प्रहरी परिचालन गरिएको छ ।