गरिमा विकास बैंकले सहारा विकास बैंक प्राप्ति गर्ने

काठमाडौं । राष्ट्रिय स्तरको गरिमा विकास बैंकले सहारा विकास बैंकलाई गाभ्ने भएको छ । गरिमा विकास बैंकले सर्लाही जिल्ला मलंगवा नगरपालिकामा कार्यालय रहेको सहारा विकास बैंकलाई प्राप्ति गर्ने सम्बन्धमा सहमतिपत्र (एमओयु) मा हस्ताक्षर सम्पन्न भएको छ ।

हाल गरिमा विकास बैंकको चूक्ता पुँजी ३ अर्व २३ करोड ८६ लाख ८९ हजार ४ सय २८ रुपैयाँ २६ पैसा रहेको छ भने सहारा विकास बैंकको चूक्ता पुँजी २५ करोड ५४ लाख ८१ हजार ८ सय रुपैयाँ रहेको छ ।

देशका सातै प्रदेशमा १०२ शाखा कार्यालयहरु मार्फत सेवा सुविधा दिदैं आएको गरिमा विकास बैंक र प्रदेश  २ को सर्लाही जिल्लामा ४ शाखा कार्यालय र १ एक्स्टेन्सन काउन्टर मार्फत सेवा प्रवाह गरिरहेको सहारा विकास बैंक लिमिटेड बिच प्राप्ति सम्बन्धि कार्य २०७८ वैशाख १ गतेभित्र सम्पन्न गर्ने समेत सहमति भएको छ ।

गरिमा विकास बैंक लिमिटेडमा सहारा विकास बैंक लिमिटेड प्राप्ति हुँदा गरिमा विकास बैंक लिमिटेड थप शसक्त विकास बैंकको रुपमा स्थापित भई मूलूकको बैकिङ परिदृश्यमा प्रभावकारी वित्तीय सेवा प्रदायक विकास बैंकको रुपमा आफ्नो उपस्थिति हिमाल, पहाड र तराइमा ब्यापक हुने समेत विश्वास लिएको छ ।