चाबहिलको पशुपति क्याम्पसमा विद्यार्थी राजनीति गर्दै आएका दिनेश खड्काको खातामा ३७ करोड ६४ लाख ११ हजार १ सय रुपैयाँ अवैध रकम फेला परेको छ । दिनेश खड्का कुनै व्यवसाय नगरी करोडौंको रकम एका एक बैंकको खातामा देखेपछि कैलालीका राजस्व अनुसन्धानको फन्दामा परेका हुन ।
विभागले एक विज्ञप्ति जारी गर्दै मोबाइल एप्स ई स्क्रिल तथा बिनान्स जस्ता डिजिटल अवैध करेन्सीमा लगानी गर्नका लागि विदेशी बिनिमय अमेरिकी डलरको अबैध कारोबार गरेको विभागले आफ्नो अनुसन्धानबाट पुष्टी गरेको विज्ञप्तिमा उल्लेख छ । यसैतबरमा दिनेशले इ–स्क्रिल, बिनान्स ९क्रिप्टोकरेन्सी० मार्फत रकम लोड तथा अनलोड गरी अमेरिकी डलर सटही गरी ग्लोबल आइएमई बैंकबाट ९ करोड ७९ लाख ९८ हजार ५ सय ८१ दशमलव ७७ रुपैयाँ रहेको विभागले जानकारी दिएको छ ।
यसैगरी, भगतवी खड्काको एनआईसी एशिया बैंकबाट २० करोड ४२ लाख ९४ हजार ५ सय २६ रुपैयाँ, उनकी दिदी अनिता धितालको लक्ष्मी बैंकबाट ५ करोड ७७ लाख ६ हजार ८ सय २६ दशमलव ५१ रुपैयाँ, र नरबहादुर खड्काको ग्लोबल आइएमई बैंकबाट १ करोड ६४ लाख ११ हजार १ सय ६६ दशमलव ३५ रुपैयाँ अवैध रकम कारोबार गरेको विभागले जारी गरेको विज्ञप्तिमा बिगोसहित मुद्दा उल्लेख गरिएको छ ।
उक्त अवैध कार्यमा खड्का सहित चार जनाले अनलाइनमार्फत डलरको अबैध कारोबार गरी राजश्व छलि गरेको आरोपमा काठमाडौं जिल्ला अदालतमा राजश्व अनुसन्धान विभागले मुद्दा दर्ता गरेको हो । कैलाली लम्किचुवा (१० स्थायी ठेगाना भई हाल काठमाडौँ कालोपुल गुरुङटोल बस्ने दिनेश खड्का, उनको दिदी भगवती खड्का, बुबा नरबहादुर खड्का र साथी अनिता धिताल बिरुद्ध ३७ करोड ६४ लाख ११ हजार १ सय रुपैयाँ विगोसहित मुद्दा दायर गरेको अनुसन्धान विभागले जनाएको छ ।
