२०८० फागुन ९, बुधबार
Health Aawaj logo
गृहपृष्ठसमाचारनवनियुक्त प्रधानसेनापति शर्मालाई दर्ज्यानी चिह्न प्रदान

नवनियुक्त प्रधानसेनापति शर्मालाई दर्ज्यानी चिह्न प्रदान


काठमाडौँ । राष्ट्रपति विद्यादेवी भण्डारीले नवनियुक्त प्रधानसेनापति प्रभुराम शर्मालाई महारथीको दर्ज्यानी चिह्न प्रदान गरेकी छन् ।

राष्ट्रपति भवन शीतल निवासमा आज आयोजित विशेष समारोहमा नेपाली सेनाका परमाधिपति राष्ट्रपतिसमक्ष नवनियुक्त प्रधानसेनापति शर्माले पद तथा गोपनीयताको शपथ लिएका छन् ।

नेपाली सेनाको ४४ औँ प्रधानसेनापतिका रुपमा शर्माले ३ वर्षे कार्यकालका लागि आजैदेखि औपचारिकरुपमा सैनिक नेतृत्वको जिम्मेवारी सम्हाल्नेछन् ।

उक्त विशेष समारोहमा प्रधानमन्त्री एवं रक्षामन्त्री शेरबहादुर देउवा, प्रधानन्यायाधीश चोलेन्द्रशम्शेर राणा, सभामुख अग्निप्रसाद सापकोटा र राष्ट्रियसभा अध्यक्ष गणेशप्रसाद तिमिल्सिनाको सहभागिता थियो ।
सरकारको सिफारिशमा राष्ट्रपति भण्डारीले यही भदौ ११ गते आजदेखि लागू हुने गरी प्रधानसेनापतिमा नियुक्त गरेकी थिएन् ।

यसअघिका प्रधानसेनापति पूणर्चन्द्र थापाको ३ वर्षे कार्यकाल आजै सकिएको छ । उहाँका सम्मानमा आज सैनिक मुख्यालय टुँडिखेलमा स्वागत समारोह आयोजना हुनेछ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ