ब्रोकर र लगानीकर्तालाई स्थायी लेखा नम्बर रूजु गर्न नेप्सेको आग्रह

काठामाडौं । नेप्सेले ब्रोकर र लगानीकर्तालाई स्थायी लेखा नम्बर रूजु गर्न आग्रह गरेको छ ।

नेपाल स्टक एक्सचेञ्ज (नेप्स)ले आज एक सूचना जारी गर्दै लगानीकर्ताहरूको स्थायी लेखा नम्बर रूजु गर्न आग्रह गरेको हो ।

लगानीकर्ताहरुको फरक-फरक प्रविष्टि गरेको कारण उक्त प्यान नम्बर राजस्व कार्यालयको वेभसाइटमा अपलोड हुन नसकेको जानकारी गराएको छ ।

नेप्सेले लगानीकर्ताहरूबाट विभिन्न समयमा आफ्नो प्यान नम्बरमा पूँजीगत लाभकर जम्मा नभएको गुनासाहरू आएको भन्दै ब्रोकर र लगानीकर्तालाई प्यान नम्बर रुजु गर्न आग्रह गरेको हो ।