प्रतिष्ठित उद्योगी एवम एनआइसी एशिया बैंकका अध्यक्ष तुलसीराम अग्रवाललाई ’प्रवल जनसेवा श्री चतुर्थ’बाट विभूषित गरिने

काठमाडौं । नेपालका प्रतिष्ठित उद्योगी एवम एनआइसी एशिया बैंकका अध्यक्ष अग्रवाललाई संविधान दिवस(२०७७) को अवसरमा राष्ट्रपतिद्धारा ’प्रवल जनसेवा श्री चतुर्थ’बाट विभूषित गरिने भएको छ ।
बैंकले अध्यक्ष ’प्रवल जनसेवा श्री चतुर्थ’बाट विभुषित हुने घोषणाले बैंकले राष्ट्रपति र नेपाल सरकारप्रति कृतज्ञता समेत प्रकट गरेका छन ।

बैंकले एक विज्ञप्ति प्रकाशित गर्दै अग्रवालले पाँच दशकदेखि देशको उद्योग, वाणिज्य तथा व्यापार क्षेत्रमा अनवरत रुपमा एक सफल उद्योगी व्यवसायीको रुपमा राष्ट्रको सर्वाङ्गीण आर्थिक तथा सामाजिक विकासमा उल्लेखनीय टेवा पुर्याएका स्मरण गराएको छ । बैंकको अध्यक्षका साथै हाल विशाल ग्रुपका  उपाध्यक्ष, मैनावती स्टिल इन्डष्ट्रिजको प्रबन्ध निर्देशक तथा अन्य विविध व्यापार-वाणिज्य क्षेत्रहरूमा उनी क्रियाशील रहेका छन् । उनी भिजी फाउण्डेसनमार्फत समाज सेवाको क्षेत्रमा समेत सक्रिय रहेका विज्ञप्तिमा बताइएको छ ।