चीनबाट अनुदान प्राप्त भेरोसेल खोप ६० देखि ६५ बर्षका ज्येष्ठ नागरिकलाई लगाइने

काठमाडौ । सरकारकाले चीनले अनुदानमा दिएको कोभिड १९ विरुद्धको भेरोसेल खोप ६० देखि ६४ वर्षका ज्येष्ठ नागरिकलाई यहि जेठ २५ गते देखि दिने भएको छ ।

स्वास्थ्य तथा जनसंख्या मन्त्रालयकाअनुसार चीनसँग सीमा जोडिएका हिमाली जिल्लाका १८ वर्षभन्दामाथि नागरिकलाई पनि  भेरोसेल लगाइनेछ । दोस्रो डोजको सुनिश्चितता गरेरै भेरोसेल खोप दिन लागिएको हो ।
चीनबाट अनुदानमा ल्याउने १० लाख डोज खोपमध्ये जेठ १८ गते ९ लाख डोज नेपाल आइपुगेको छ । आज जेठ १९ गते थप १ लाख खोप नेपाल आइपुग्नेछ ।

यसअघि भेरोसेल खोप ६० वर्षभन्दा माथिका नागरिकलाई लगाउन नमिल्ने भन्दै नेपालमा ५९ वर्षसम्मका नागरिकलाई दिइएको थियो । यद्यपि, केही दिन अघिमात्र विश्व स्वास्थ्य संगठन (डब्लुएचओ)ले ६० वर्षभन्दा माथि उमेरसमूहलाई पनि भेरोसेल लगाउन मिल्ने भनेसँगै यस समूहलाई खोप दिन लागिएको मन्त्रालयले जनाएको छ ।
म
साथै, खोप लगाउन जाँदा नागरिकता वा उमेर खुल्ने कुनैपनि सरकारी कागजात वा वडा कार्यालयले दिएको सिफारिस अनिवार्य साथमा लिएर जान  मन्त्रालयले अनुरोध गरेको छ । यसैगरी, खोप केन्द्र तोक्नका लागि सम्बन्धित जिल्ला समन्वय समितिलाई जिम्मा दिइएकाे छ ।