पछिल्लो २४ घण्टामा ६४९१ जना संक्रमणमुक्त

काठमाडौं । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा नेपालमा ४ हजार ७ सय ६२ जनामा कोभिड-१९ संक्रमण पुष्टि भएको हो ।
योसँगै नेपालमा अहिलेसम्म कोभिड-१९ संक्रमित हुनेको संख्या ५ लाख ६१ हजार ३ सय २ पुगेको छ । पछिल्लो २४ घण्टामा ६ हजार ४ सय ९१ जना कोभिड-१९ संक्रमणमुक्त भएका छन् । अहिलेसम्म नेपालमा कोभिड-१९ संक्रमणमुक्त हुनेको संख्या ४ लाख ४७ हजार ४ सय ४६ पुगेको छ ।
नेपालमा पछिल्लो २४ घण्टामा १ सय १४ जना कोभिड-१९ संक्रमितको मृत्यु भएको छ । यससँगै नेपालमा कोभिड-१९ को संक्रमणबाट मृत्यु हुनेको संख्या ७ हजार ३ सय ८७ पुगेको छ ।