उद्योग वाणिज्य महासंघको ५४औं साधारणसभा मंसिर ११ र १२ मा हुने

काठमाडौँ । कोरोना भाइरसका कारण  रोकिएको नेपाल उद्योग वाणिज्य महासंघको ५४औं साधारणसभा मंसिर ११ र १२ गते हुने भएको छ ।

आज बसेको महासंघको पदाधिकारी बैठकले नयाँ मिति तोकेको हो । यसअघि चैत र साउनको अन्तिम साताका लागि तोकिएको साधारणसभा र निर्वाचन कोरोना महामारीका कारण रोकिएको थियो।

यही असोज ११ गते बस्ने कार्यसमिति बैठकले आज बसेको पदाधिकारी बैठको निणर्य अनुमोदन गर्ने छ । कार्यसमितिको बैठकले निणर्य गरेपछि निर्वाचन र साधारणसभाको तयारी थाल्ने बताइएको छ।

कोरोना महामारीका कारणे चैतमा हुने साधारणसभा स्थगित भएको थियो । लकडाउन र निषेधाज्ञाका कारण पटकरपटक मिति तोकिएपनि साधारणसभा हुन सकेको थिएन् ।

साधारणसभाको विधान अनुसार बरिष्ठ उपाध्यक्ष शेखर गोल्छा महासंधको अध्यक्ष बन्ने छन् भने बरिष्ठ उपाध्यक्षको लागि वर्तमान  उपाध्यक्ष चन्द्र ढकाल र किशोर प्रधानले प्यानल बनाएर उम्मेद्वारी दिएका छन् ।