बामदेव गौतमले सम्झिए गणतन्त्र स्थापनाको विपक्षमा उभिएका नेताहरु

काठमाडौं । नेकपा एमालेका उपाध्यक्ष बामदेव गौतमले १४ औं गणतन्त्र दिवसको अवसरमा सन्देश जारी गदै स्व गिरिजा प्रसाद कोइराला, माधव कुमार नेपाल र पुष्प कमल दाहाल प्रचण्डलाई गणतन्त्र स्थापनाका महानायककको संज्ञा दिएका छन् ।

उनले सन्देशमा नेपालमा राजतन्त्रको अन्त्य गर्दै गणतन्त्र घोषणाको पृष्ठभूमिमा हजारौ नेता कार्यकर्ता तथा अन्य नेपाली जनताको शहादत, त्याग तपस्या र समर्पण रहेको सर्वविदितै छ । तर वि. स.२०६५ जेठ १५ गतेको अवस्थामा नेपाललाई ल्याई पुर्याउने युगान्तकारी संघर्षका महानायकहरु भने नेपाली कांग्रेस पार्टीका सभापति गिरिजा प्रसाद कोइराला , नेकपा एमालेका महासचिव माधव कुमार नेपाल र नेकपा माओवादीका अध्यक्ष पुष्पकमल दहाल प्रचण्ड हुनुहुन्थ्यो। उहाँहरु मध्ये गिरिजा प्रसाद कोइराला हामी वीच हुनुहुन्न अरु दुइजना भने नेपाली राजनीतिमा सक्रिय नै रहेको उल्लेख गरेका छन् ।

त्यस्तै,उनले त्यसबेला गणतन्त्रको विपक्षमा रहेका आफ्नै पाटीका नेताहरु  पनि सम्झिए ।
गौतमले सन्देशमा “विडम्वना नै भन्नुपर्छ नेकपा एमालेको केन्द्रीय कमिटीको वहुमतले तत्कालीन संघर्षको मुख्य नारा राजतन्त्रको अन्त्य र गणतन्त्र स्थापना तय गर्दा चर्चित झापा संघर्षका विभिन्न पार्टीमा रहेका मुख्य ३ नेता विरुद्धमा हुनुहुन्थ्यो। त्यो वैठकमा अव संघर्षको मुख्य नारा गणतन्त्रको स्थापना हुनुपर्छ भनेर लिखित प्रस्ताव राख्ने व्यक्ति म थिएं” भनेका छन् ।