काठमाडौं । नेकपा एमालेले माधवकुमार नेपाल—खनाल समुहका ११ जना ‘सांसद’लाई पार्टीको साधारण सदस्य समेत नरहने गरी निष्कासन गरेको छ ।
जेष्ठ १० गते प्रधानमन्त्री निवास बालुवाटारमा बसेको एमालेको बैठकले यस्तो निणर्य गरेको हो ।
जेठ ८ गते बसेको स्थायी कमिटीको निणर्य अनुसार उक्त समुहका ११ जना सांसदलाई स्पष्टीकरण सोधिएको थियो। सोमबार बिहानसम्मको समय दिइएको भए पनि उनीहरुबाट जवाफ आएको थिएनन् ।
नेकपा एमालेको स्थायी कमिटी बैठकले नेपाल र खनालसँगै भीम रावल, मुकुन्द न्यौपाने, रामकुमारी झाँक्री, सरला यादव, पुष्पा कणर्, कलिला खातुन, निरादेवी जैरु, लक्ष्मी चौधरी र कल्याणी खड्कालाई पार्टीबाट निष्कासन गर्ने निणर्य गरेको हो ।
यसैगरी विरोध खतिवडा, सोमप्रसाद पाण्डे, जीवनराम श्रेष्ठ, घनश्याम भुसाल , झपट रावल, कृष्णलाल महर्जन, भवानीप्रसाद खापङु, सुरेन्द्र पाण्डे, मेटमणी चौधरी, यज्ञराज सुनुवार, दिपकप्रकाश भट्ट, नारायण खतिवडालाई २४ घण्टे स्पष्टीकरण सोध्ने निणर्य पनि बैठकले गरेकोे छ ।
उनीहरुलाई कांग्रेस सभापति शेरबहादुर देउवालाई प्रधानमन्त्री बनाउन हस्ताक्षर गरेको, राष्ट्रिय सभाको उपनिर्वाचनमा बादललाई हराउन भूमिका खेलेको, फ्लोर क्रस गरेको लगायतका विषयमा स्पष्टीकरण सोधिएको थियो।
