५० % मात्र यात्रु बोक्न पाउने निणर्य प्रति वायुसेवा कम्पनीहरुको असहमति

काठमाडौं । सरकारले असोज १ गतेदेखि आन्तरिक हवाई उडान खुला गर्ने भने पनि वायुसेवा कम्पनीहरुले सरकारको निर्देशन बमोजिम ५० % मात्र यात्रु बोकेर उडान गर्न नसकिने स्पष्ट पारेका छन् ।

सोमबार बसेको मन्त्रिपरिषदको बैठकले असोज १ गतेदेखि हवाई उडान सञ्चालन गर्ने अनुमति दिए पनि ५० % मात्र यात्रु लिएर उडान गर्दा हवाई भाडा दोब्बर हुने सो भाडादर यात्रुले तिर्दा महगो हुने भएकाले वायुसेवा कम्पनीहरुले उडान गर्न असमर्थ जनाएका छन ।

सरकारको निणर्यले वायुसेवा कम्पनीहरु धरासायी हुन सक्ने भएकाले यो निणर्य खारेज गरी कोरोना भाइरस जोखिमका प्रोटोकल पालना भएको हुदाँ  यात्रु बोक्न पाउने गरी आन्तरिक   उडान गर्न सरकार समक्ष वायुसेवा कम्पनीहरुले अनुरोध गरेका छन ।