नारायणगढ-मुग्लिन सडकखण्ड एक साताका लागि दिउँसो बन्द रहने

काठमाडौं । नारायणगढ-मुग्लिन सडकखण्ड आज फागुन २३ गते देखि २९ गते सम्मका लागि दैनिक ४ घण्टा बन्द हुने भएको छ । (नारायणघाट- मुग्लिन सडक) नागढुंगा- मुग्लिन सडक आयोजनाले फागुन २२ गते सुचना जारी गरी जानकारी गराएको हो ।

सडकखण्डमा बिहान १०ः३० देखि दिउँसो ३ः०० बजेसम्म दुईतर्फी आवागमन बन्द रहने छ । उक्त सडक खण्डमा अत्यावश्यक सेवाबाहेक सबै सवारी साधन रोकिने छ ।

आयोजनाले सूचना जारी गर्दै सडकखण्ड अन्तर्गत चारकिलोमा पहिरो रोकथामका आवश्यक बाँकी काम सम्पन्न गर्नका लागि सडक बन्द गर्न लागिएको जनाएको छ ।

.यस अवधिमा वैकल्पिक सडकमार्ग प्रयोग गर्नसमेत नारायणगढ-मुग्लिन सडक आयोजनाले अनुरोध गरेको छ । वैकल्पिक सडक प्रयोग गर्न नमिल्नेहरुले धैर्यधारण गरी लेन अनुशासन पालना गरी ट्राफिक प्रहरी र कर्मचारीको अनुशासन पालन गर्न भनिएको छ ।