सामाजिक सञ्जाल टिकटक बन्द गर्ने सरकारको निर्णय 

 काठमाण्डौ ।  सरकारले नेपालमा सामाजिक सञ्जाल टिकटक बन्द गर्ने  निर्णय गरेको छ । 

आज बसेको मन्त्रिपरिषद् बैठकले टिकटक बन्द गर्ने निर्णय गरेको हो । 

सरकारको प्रवक्ता एवम् सञ्चार तथा सूचना प्रविधि मन्त्री रेखा शर्माले टिकटकबाट पछिल्लो समय नेपालमा सामाजिक सद्भाव विगार्ने काम भएकाले टिकटकलाई बन्द गर्ने निर्णय गरिएको बताइन ।

उनले टिकटक बन्द गर्ने  निर्णय कार्यान्वयनमा जान प्राविधिक रुपमा केही समय लाग्ने भएपनि तत्काल बन्द गर्ने निर्णय भएको बताइन । 

यसअघि भारत तथा अन्य मुलुकमा पनि टिकटक बन्द भइसकेको छ ।