बोर्डको निर्देशन पछी घोराही सिमेन्टको आईपीओ रोकियो

काठमाडौं । घोराही सिमेन्टको आईपीओ निष्कासन प्रक्रिया रोकन नेपाल धितोपत्र बोर्डले निर्देशन दिएको छ ।

बोर्डले घोराही सिमेन्टको आईपीओ निष्कासन तथा बिक्रि प्रबन्धक हिमालयन क्यापिटल र नबिल इन्भेष्टमेन्टलाई निर्देशन दिएसँगै घोराही सिमेन्टको आईपीओ निष्कासन प्रक्रिया रोकिएको छ ।

बोर्डले सर्वसाधारण लगानीकर्ताहरुको सुरक्षा तथा हित संरक्षणलाई मध्यनजर गर्दै उक्त कम्पनीको रेटिङ्ग र सार्वजनिक निष्काशन सम्बन्धी कैफियतको जाँचबुझका लागि हाललाई घोराही सिमेन्ट इण्डष्ट्री लिमिटेडको सार्वजनिक निष्काशनको सम्पूण   प्रक्रिया स्थगन गर्न निर्देशन दिएको हो ।