चार्टर्ड बैंकले सेयरधनीलाई ७ प्रतिशत बोनस सेयर दिने

काठमाडौं । स्ट्यान्डर्ड चार्टर्ड बैंकले सेयरधनीहरुलाई ७ प्रतिशत बोनस सेयर लाभांश प्रस्ताव गरेको छ । बैंकको सञ्चालक समितिले आगामी पुस २४ मा ३४औं वार्षिक साधारणसभा बोलाएको छ ।

चुक्ता पुँजीको ७ प्रतिशत हुन आउने रकम ५६ करोड ८ लाख १ सय ४७ रुपैयाँ बराबरको बनोस सेयर दिन भएको हो । बैंकले चार रुपैयाँ ८४ पैसा प्रति सेयर नगद लाभांश दिने प्रस्ताव गरेको छ । पुस ९ देखि २४ गतेसम्म साधारण तथा प्रयोजनका लागि बैंकको सेयर दाखिल खारेज बन्द गरिएको छ ।