एनसीसी बैंकको १० लाख भन्दा बढी संस्थापक सेयर बिक्रीमा

काठमाडौ – एनसीसी बैंकले संस्थापक सेयर बिक्रीमा ल्याएको छ ।

बैंकको संस्थापक ७ जना सेयरधनीहरुले आफ्नो नाममा रहेको १० लाख ४० हजार ५ सय ४ कित्ता सेयर बिक्रि गर्ने इच्छा भएकाले बैंकले संस्थापक सेयर बिक्रीमा ल्याएको हो ।

यसमा बैककै संस्थापक सेयरधनीले आवेदन दिन सक्नेछन् ।सेयर खरिद गर्न इच्छुक विद्यमान अन्य संस्थापकले यो सुचना प्रकाशित भएको मितिबाट ३५ दिनभित्र काठमाडौंको बागबजारर्गस्थित बैंकको  शेयर विभागमा आफूले खरिद गर्ने चाहेको सेयर कित्ता संख्या तथा प्रतिकित्ता सेयरको मूल्य खुलाई शिलबन्दी निवेदन पेस गर्नुपर्नेछ ।

तोकिएको समयमा संस्थापक सेयरधनीबाट सेयर खरीद गर्न निवेदन नआएमा प्रचलित कानुनबमोजिम अन्य लगानीकर्तालाई सेयर बिक्री गर्ने कम्पनीले जनाएको छ ।