आँधिखोला लघुवित्तले गर्यो लाभांशको घोषणा

काठमाडौं । आँधिखोला लघुवित्त वित्तीय संस्थाले गत आर्थिक बर्षको मुनाफाबाट आफ्ना शेयरधनीलाई ३१.५८ प्रतिशत लाभांश दिने भएको छ ।

कम्पनीको पुस ८ गते बसेको सञ्चालक समितिको १६५ औं बैठकले आर्थिक वर्ष २०७८/७९ को मुनाफाबाट आफ्ना शेयरधनीलाई संस्थाको चुक्ता पूँजी ११ करोड ९० लाख रुपैयाँ बराबरको कुल ३१.५८ प्रतिशत लाभांश वितरण गर्ने प्रस्ताव गरेको छ ।

प्रस्तावित कुल ३१.५८ प्रतिशत लाभांश मध्ये ३० प्रतिशतका दरले हुन आउने ३ करोड ५७ लाख रुपैयाँ बराबरको बाेनश शेयर र १.५८ प्रतिशतका दरले हुन आउने १८ लाख ७८ हजार ९४७ रुपैयाँ बराबरको नगद लाभांश वितरण गर्ने प्रस्ताव गरेको हो ।

प्रस्तावित लाभांश नेपाल राष्ट्र बैंकबाट स्वीकृत भई लघुवित्त कम्पनीको आगामी साधारणसभाले पारित गरेपछी शेयरधनीले पाउनेछन् ।